Киндым да кондитер сатум ыштымаште нарушений- влакым пален налме
Марий Элыште киндым да кондитер сатум ыштымаште нарушений- влакым пален налме. Роспотребнадзор виктемыште тыгай сатум тергымашын лектышыжым иктешленыт. Тений 9 тылзе жапыште специалист- влак 81 пробым налыныт. Чыла пробыжат технический регламентын йодмашыже дене келшен толын. Тиде жапыште кондитер сатун 40 партийжым, тӱшкан налмаште 30 килограмм утлам, браковатлыме. Тӱҥ амалже- аралыме жапым да йӧным пудыртымаш. Южо вере санитар нарушений рашемын: аралыме йӧным да жапым пудыртымаш, персоналын шке жапыштыже медосмотрым да гигиена тунеммашым эртыдымыже, склад пӧлемлам шот дене кучыдымаш, инвентарь ден оборудованийын арулыкшо, маркировка йодмашым шуктыдымаш. Тидлан кӧра 15 административный протоколым возымо. 80 тӱжем теҥгелан штрафым возен пуымо.