Келшымаш пӧрт писын чоҥалтеш

               Александр Евстифеев Йошкар-Олаште калык- влакын келшымаш пӧртышт кузе чоҥалтмым да оласе корным олмыктен пытарыме пашам ончен лектын. Ик тӱҥ объект- Калык- влакын келшымаш пӧртым 40 процентлан ямдылыме. А пашам тений шошым веле тӱҥалме. Подряд организацийым вуйлатыше Руслан Муталиев республикым вуйлатышылан увертарен: чоҥымо паша писын кая, чыла график почеш шукталтеш, почеш кодмаш уке. Площадкыште 45 еҥ тырша. Кызыт нылымше пачашын пырдыжшым оптат, монолит колонным да пырдыжым 100 процентлан шуктымо. Ик жапыштак пырдыжым кӱ дене комыжлат, окнам шындат, вентиляцийым монтироватлат, отделке да сантехник паша шукталтеш. Декабрьыште шокшым пуаш палемдыме. Паша тыгак кая гын, объектым 2023-шо ийыште огыл, а вес ийын шукташ лиеш. Чоҥышо организацийым вуйлатыше задачым жапыштыже шукташ сӧрен. Умбакыже республикым вуйлатыше Панфилов уремыш миен. Тиде ик эн кӱлешан корно. Тушто корно полотном вашталтыме. Транспорт министр Александр Герасименко палемден: тенийлан палемдыме оласе корнылам олмыктен пытарыме, кок корным шушаш ийысе план гыч налын ыштыме. Мер Евгений Маслов тидым каласен: тений олаште 20 меҥге утла кужыт 
корным олмыктымо. Тидым рекорд манаш лиеш. Ондак тыгай кужытым лу ий жапыште олмыктеныт. Республикым вуйлатыше пашан качествыжым кӱкшын аклен, грамотно виктарыме логистикым палемден. Автомобилист- влак микрорайон-влак коклаште чапле корно дене кудалышт кертыт. Тидыжат куандара: тротуар- влакат шотыш кондалтыт, йӱр вӱд йогымо канализацият ӧрдыжеш ок код. Александр Евстифеев корно пашазе- влаклан тауштен да ынде шушаш ийысе корным олмыктымо пашалан ямдылалташ тӱҥалына манын.

Прошлые выпуски