Эн сай ТОС- влакым палемденыт

                Йошкар-Олаште эн сай ТОС- влакым палемденыт. Таче Ола администарцийын изи залыштыже оласе эн сай ТОС- влак 2019-ше ий январь гыч тений июль марте ыштыме паша лектышышт почеш грантым налыныт. Конкурсыш 7 организаций йодмашым пуэн. Нунын пашаштым икмыняр критерий дене аклыме. Тушто мыняр тӱшка мероприятийым: субботникым, погынымашым да молымат эртарымым, увер дене пашам ыштыме, конкурслашке ушнымо, клумбым шындыме ден ужар кушкылым куштымо, изи архитектуро формо, йоча да спорт площадкылам кучымо пашам шотыш налме. Икымше верым да 80 тӱжем теҥге грантым «Зарубин уремысе 39-ше пӧрт» ТОС налын. Кокымшо вер да 60 тӱжем теҥге «Свердлов» ТОС-лан логалын. Кумшо верым «Строитель- влак урем, 31», «Савино», «Гастелло» ТОС пайленыт да кажныже 40 тӱжем теҥге грант оксам налын. Йошкар-Олаште  территориальный самоуправленийын 58 организацийже пашам ышта.
                 Йошкар-Ола администрацийын фотожо.