Рейд годым 22 йӱшӧ водительым кученыт

             План почеш эртарыме рейд годым ГИБДД пашаеҥ- влак 22 йӱшӧ водительым кученыт. Кугыжаныш автоинспекций йӱшӧвуя руль воктеке шичше-влакым пален налме шотышто кугу рейдым эртареныт. Кум кече жапыште тергымаш- влак Волжский, Курык марий, Звенигово, Медведево да Морко районлаште эртеныт. Тыге 15-ше 17-ше октябрьыште 22 подылшо водитель логалын. Нунын кокла гыч кумытшо икымше гана огыл верештын да ынде уголовно мутым кучаш тӱналеш. Ик водительым калыкын йыҥгыртен увертарымыж почеш чарыме.