Прокуратура пашаеҥ- влак пушеҥгым шындаш лектыныт

                Республикын прокуратурыжо куд тӱжем пӱнчӧ озымым шынден. Тиде мероприятийым ведомствым ыштымылан  100 ий теммылан пӧлекленыт. Эртыше шуматкечын Прокуратурын пашаеҥже- влак экологий акцийыш ушненыт. Российын прокуртурыжлан 300 ий, республикысылан 100 ий темме лӱмеш тыгыде пӱнчым шындымашке республикын прокуроржо Сергей Беляков дене пырля сотрудник- влак лектыныт. Нуно Люльпан лесничествын Пелеҥер участкыштыже кок гектарат пеле кумдыкеш 6 тӱжем изи пушеҥгым шынденыт. Пашаеҥ- влак дене пырля ешыштат, ветеран- влакат миеныт.
                Фотом "Йошкар-Ола" газетын сайтше гыч налме.