Самырык спортсмен- влак «Артекыш» каеныт

               17-ше июньышто «Марий Эл» Арена» куштылго атлетике манежыште школышто тунемше- влак коклаште «Аралаш да пашалан ямде» Россий кӱкшытан физкультура да спорт комплексын фестивальже эртен. Тудын лектышыже почеш  республикын сборный командыжым ыштыме. Тудо кодшо кечылаште «Артек» тӱнямбал йоча рӱдерыш ГТО комплекс фестивальын «ГТО толкынышто!» ешартыш программын финалышкыже участвоватлаш каен. Сборный команде радамыште ГТО нормативым шӧртньӧ палылан сдатлыше ныл участник улыт. Тиде- Звенигово районысо Шолеҥер школ гыч Екатерина Скворцова, Волжский районысо Пӧтъял школ гыч Алена Петрова, Андрей Ведерников, Никита Самарский. «ГТО толкынышто» программыш тренинг, квест, тест, деловой модмаш- влак пурат. Фестивальыште лийше- влакын паша лектышышт семын оҥай разработко- влак лийшаш улыт. Тиде- ГТО-м шарен колтымо сценарий, агитбригаде- влакын выступленийыштын видеожо, команде- влакын дизайн-презентацийышт да молат.