Рӱдӧ сайлыме комиссийын у составшым чумырат
Марий Элым вуйлатыше ден Марий Эл Кугыжаныш Погын «Марий Элысе Рӱдӧ сайлыме комиссийын» у составшым чумыраш тӱҥалме нерген увертареныт. Кызытсе рӱдо сайлыме комиссийын полномочийже 12-ше декабрьыште мучашлалтеш. Сандене у составышке кандидатурым темлаш тӱҥалме нерген увертарыме. Рӱдӧ комиссийым Республикым вуйлатыше ден Кугыжаныш погын политпартий, мер ушем, муниципал образований орган, рӱдӧ сайлыме комиссийын темлымашышт негызеш ыштат. Республикын рӱдӧ комиссийже 14 еҥ гыч шога. Пелыжым республикым вуйлатыше, вес пелыжым Кугыжаныш Погын палемда. Темлымаш- влакым 15-ше октябрь гыч 15-ше ноябрь марте налыт.