Калыкле вургемын конкурсшо онлайн-формат дене эрта

               Калыкле вургемын Регион- влак кокласе кӱкшытан 12-шо конкурсшо онлайн-формат дене эрта. «Марий вургем пайрем унала ӱжеш» конкурс июльыштак лийшаш ыле, но октябрьыш кусаралте, ынде онлайн йӧн дене эрта. Тудо 23-шо гыч 31-ше октябрь марте лиеш. Тений тушто  Курык марий, Морко, Звенигово, Оршанке, Медведево районла да Свердлвск ден Киров областьла гыч вургемын авторышт участвоватлат. А кумшо ноябрь гыч «Ший пӱян Пампалче» марий йомак тоштерыште «Калык вургеман шке ыштыме курчак» регион- влак кокласе кӱкшытан выставке пашам ышташ тӱҥалеш.