Республикысе эн уста «Калык участковый» рашемын
«Калык участковый» конкурсын регионысо йыжыҥыштыже Козьмодемьянск гыч участковый Максим Люнькин сеҥен. Иктешлымашым теҥгече калыкын йӱклымашыже почеш ыштыме. Максим Люнькин 9 тӱжем утла йӱкым поген да ӱшанлын сеҥышыш лектын. Тидыжат оҥай: теҥгечак Максим 24-ше шочмо кечыжым палемден. Кокымшо верыште «Волжский» пӧлкан участковыйжо Татьяна Васильева улеш. Тудын верч шке йӱкшым шым тӱжемат 700 утла еҥ пуэн. А кумшо верыш 568 йӱк дене Звенигово район гыч кугурак участковый Сергей Яковлев лектын. Полицийын лейтенантше Максим Люнькин ынде Марий Элын чапшым Россий конкурсын финалыштыже аралаш тӱҥалеш.
