Идалык мучаш марте пуртен шуктыдымо 650 пӧртыш газым пуат

                Марий Элыште идалык мучаш марте пуртен шуктыдымо 650 пӧртыш газым пуат.18-ше октябрь гыч Российыште газораспределительный сетьыш ушнымо да догазификацийын тӱшка правилыжым рашемдыше у правил- влак пашам ышташ тӱҥалыныт. Догазификаций газым шеледыме система улмо яллаште ышталтеш. Тудын дене газым шкалан, ешлан да сурткокла кӱлешлыклан кучылташ шонышо- влак пайдаланен кертыт. Газым пуртымо жап пӧртын газ инфраструктуро деч мыняр тораште улмыжо деч шога. Тачысе кечылан «Газпром газораспределение Йошкар-Ола» догазификаций кышкарыште кум тӱжем наре йодмашым налын. Йодмашым пуашлан пӧрт але мланде участкылан права шотышто документ лийшаш. Республике мучко догазификаций программыш 596 илемыште куд тӱжемат 966 сурт логалеш. Газ деке уашлан кажне объект шотышто планым ыштыме. Тудын дене келшышын тенияк 650 сурт деке пӱртӱс газ толеш.