«Йӱд орол» спектакль адакат эн сай паша- влак радамыш пурен

                Республикысе курчак театрын «Йӱд орол» спектакльже адакат эн сай паша- влак радамыш пурен. Тыгай акым тудо Чебоксарыште курчак театр- влакын «Йомак карусель» кокымшо Тӱнямбал фестивальыштышт налын. Тушто Российысе 13 кундем да Казахстан ден Франций гыч 19 коллектив усталыкшым ончыктен. Йотэл театр- влак спектакльыштым онлайн формат дене темленыт. Марий театрат шке спектакльжым шке сценыштыже ончыктен. Коллегышт да жюрин еҥже- влак спектакльым аклаш лӱмын Йошкар-Олаш толыныт. Ушештарена: «Йӱд орол» тӱрлӧ фестивальыште ик гана веле огыл наградым сеҥен налын.