Республикыштына 21 тӱжем утла еҥ ковид дене черланен лектын
Республикыштына 21 тӱжем утла еҥ ковид дене черланен лектын. Пандемий тӱҥалме годсек Марий Элыште 21 тӱжемат 68 еҥлан тиде диагонозым шындыме. Роспотребнадзор виктемын увертарымыж почеш, тӱжемат 548 еҥже симптом деч посна черым эртен, лу тӱжем наре еҥже куштылгын, 9 тӱжем нарыже кокла нелыт дене, 715еҥже нелын черланен. Статистикын ончыктымыж почеш, черланыше- влак ешаралтыт, очыни. Каныш кечылаште 174 черланышым рашемдыме, шочмо-кушкыжмын 192 еҥын чержым пален налме. Тазалыкаралтыш министр Марина Панькова шке докладыштыже ситуацийым неле манын палемден. Черле- влакым эмлаш стационарлаште тӱжемат 875 койкым вераҥдыме. Йошкар-Оласе эмлыме верыште гына 410 койкым ойырымо. Тушто гастроэнтерологий, урологий, нейрохирургий пӧлкалам пужен ыштыме, рекреаций, кочмыверым да ординаторскийым палатыш савырыме. Йошкар-Оласе эмлыме вер кызыт экстренный полышым гына пуа, план почем эмлымашым жаплан чарен шогалтыме. План почеш полышым пуымым Волжск оласе рӱдӧ эмлыме верат чарнен, Икымше номеран медсанчастьын стационарже ден Республикысе клинический эмлыме верат, план почеш эмлымашын ужашыжым чареныт.- палемден Марина Панькова.