Сурокысо салтак шӱгарлам тӱзландарыме

               Суд пристав- влак чодыраште воин- влакым тойымо верым шотыш конденыт. Сурок посёлко воктене чодыраште Кугу Ачамланде сар жапыште 80 салтакым тойымо. Суд пристав- влак тиде верым шефствыш тений майыште налыныт. Суд пристав федерал службо виктем пелен общественный советын еҥже, «Демос» кычалше отрядым вуйлатыше Дмитрий Шипуновын мутшо почеш, республикыштына тиде ик эн мондымо шӱгарла. 46-шо учебный бригадын гарнизонысо шӱгарлаштыже тойымо схемат, лач тыште тойымо еҥ- влак нерген нимогай документат уке. Ныл шӱгар деч посна молыжо лӱмдымӧ улыт. Суд пристав- влак тӱзландарыме годым кукшо лышташым удыреныт, шарнымашан кӱ ден нунынак тений майыште вераҥдыме табличкым тӧрленыт, салтак- влакын шӱгар ӱмбакышт пеледышым пыштеныт.

Прошлые выпуски