РМТ чемпион лӱмым пӧртылтен
Марий радиомеханический техникумын футболистше- влак республикын чемпионжо лӱмым пӧртылтеныт. Футбол дене Марий Элын чемпионатше эртен. Икымше верын пӱрымашыже иктешлыше 12-шо турын матчыштыже РМТ ден ЗПП команде- влак коклаште модмаште рашемын. Но тымартеат сеҥыше пале лийын. Кудымшо минутыштак радиомеханик- влак 2 да 0 счёт дене ончыко лектыныт. Перерыв марте счёт 4 да 0 лийын, кокымшо таймыште визымше мечым пуртеныт. Тыге, турнирыште 8-ше гана сеҥышыш лектыныт. Кум ий эртымеке РМТ команде республикын чемпионжо лӱмжым пӧртылтен. ЗПП кокымшо верыш лектын. Кумшо верым Шернурысо «Сокол» клуб налын.