Марий Элым вуйлатыше тазалыкаралтыш министерствылан 15 миллион теҥгем ойырен

             Марий Элым вуйлатыше Александр Евстифеев тазалыкаралтыш министерствылан кислородын концентраторжым налаш 15 миллион теҥгем ойырен. Ешартыш шийвундо респубикысе медицина тӧнеж- влаклан коронавирус дене черланыше-шамычлан полшаш кислородын концентраторжым налаш колталтеш. Оперштабын заседанийыштыже палемдыме ыле: республикыште черланыше- влакыт огыт шагалем, а ешаралт шогат. Мутлан, теҥгече  ик суткаште 93 еҥлан тиде диагнозым шындыме. Ковид деч да тудлан кора 6 еҥ илыш дене чеверласен. Эмлыме верыш 112 еҥым пыштыме. Тазалыкаралтыш министерстве тидымат ешарен: Волжскысо да Козьмодемьянскысе эмлыме верыште ешарен 30 койко гыч, чылаже 60 койкым шындыме. Лу  медицина тӧнежыште тӱжемат 875 койкым вераҥдыме. Тушто тӱжемат 645 еҥ эмлалтеш. Нунын кокла гыч 281 пациентше нелын черланыше, 62 еҥ ИВЛ дене пайдалана, 897 еҥ кислород полышым налеш. Коронавирус деч вакцинаций умбакыже шуйна. Теҥгече Йошкар-Оласе Зелен ужалкалыме рӱдерыште у вакцинаций пунктым почмо. Тудын адресше: Йошкар Армий урем, 119-ше пӧрт. Тымарте республикысе 201 тӱжемат 700 утла еҥ прививкым ыштыктен. Нунын кокла гыч 190 тӱжемже тичмаш курсым эртен.

Прошлые выпуски