Тений идалык мучаш марте Йошкар-Олан мэрийже корным сайын кучаш 35 миллион теҥгем пышташ шона
Тений идалык мучаш марте Йошкар-Олан кучемже корным сайын кучаш 35 миллион теҥгем пышташ шона. Тидын нерген увер Кугыжаныш закупко сайтыште лектын. Тӱшка автомобиль корным, тусо искусственный да аралыше сооружений- влакым тений ноябрь декабрьыште кучаш муниципал контрактын акше 35 миллион утла теҥгеш погына. Сметный расчётышто 24 ужаш уло. Тушко урным эрыктымаш да транспорт чарналтышым мушмо гыч тӱҥалын, корнышто пуракым пытарыме да лумым механизированно эрыктыме марте паша- влак пурталтыныт. Мутлан, корно ден тротуарлаште ий дене кучедалаш 900 утла тӱжем теҥгем, йӱрвӱд йогымо канализацийым эрыкташ да тӧрлаш 700 утла тӱжем, лумым ӧрыжкӧ оптен луктын наҥгаяш миллионат 700 утла теҥгем кучылташ палемдыме. А теве кудалыштме корным тӧр ышташ 12 миллион утла теҥге окса кӱлеш лиеш. Пашан жапшым икымше ноябрь гыч 31-ше декабрь марте палемдыме.