Кужмарий ялыште пеш чыр марий- влак илат

              Кужмарийыште калыкын тыршымыже дене модмо да спорт площадке шочын. Звенигово районысо Кужмарий ялыште пеш чыр марий- влак илат. Нунын коклаште самырык еш- влакат улыт. Верысе администрацийын да калыкын тӱҥалтышыжлан, нунын йӧнан илыме верым ышташ кумылыштлан кӧра, илемыште сай вашталтыш- влак лиедат. Проектлашке ушнымылан кӧра, кундемым тӱзландараш окса толеш. Мутлан, «Изи шочмо кундемнам вашталтена» проект кышкарыште модмо да спорт зоным ыштыме. Тиде пашам мучашлыме лӱмеш, пайремым эртарыме. Тушто кумылан- влак волейбол да футбол дене модыныт, армрестлинг да кира спортышто вийыштым терген онченыт. Мероприятийыш Кугыжаныш Погынын депутатше Наталья Козлова ден Звенигово муниципал районым вуйлатыше Наталья Лабутина миеныт. Эн чолга еҥ- влаклан тауштымашан серышым кучыктеныт.