Стрит-артын «ФормАРТ» фестивальыштыже сеҥыше- влакым рашемдыме

             Стрит-артын «ФормАРТ» фестивальыштыже сеҥыше- влакым рашемдыме. Теҥгече Юл кундем округысо фестивальым петырымаш да сеҥыше- влакым палемдыме онлайн-церемоний эртен. Проектым полпред Игорь Комаровын тӱҥалтышыж почеш эртарыме. Фестивальын рӱдӧ площадкыжлан тений Киров область шотлалтын. Сеҥыше- влакым калык йӱклымаш ден эксперт- влакын йӱкыштым иктыш ушен шотлымо. Тыге, фестивальын сеҥышыжлан Самара область гыч «Ончыкылык» граффити пашаж дене Дмитрий Горшковым шотлымо. Кокымшо верым Марий Эл гыч Илья Белов «Лӱҥгалтышыште» граффити пашаже дене да Саратов область гыч Владимир Куц «Жапын тӱсшӧ» пашаже дене пайленыт. Кумшо верым Башкортостан гыч Ляйсан Билалова «Ончыкылык- шӱмыштӧ» пашаже дене налын. Тыге икымше верлан 200 тӱжем, кокымшылан 150 тӱжем теҥге гыч, кумшылан 100 тӱжем теҥге логалын.