Шокшым ситарыше объектла воктене тӱткӧ лийман
«Т Плюс» компаний шокшым ситарыше объектла воктене лӱдыкшыдымылык мерым шукташ кӱлеш манын ушештара. Автомобилист- влаклан урем корно деч ӧрдыжтӧ верланыше тепловой камере, люк ӱмбач кудалаш да тушан машинам шогалтен кодаш ок лий. Ача- ава- влак келыштарыдыме верлаште модаш ок лий манын йоча- влаклан умылтарышаш улыт. Петырыдыме тепловой камера нерген, тушечын чот пар але вӱд лекмым ужыда гын, вигак дежурный службыш увертарыман. Мондыман огыл: шыже- теле жапыште теплоносительын температурыжо шӱдӧ градусымат эрта. Сандене пуч шӱтлымӧ годым эмганаш пеш вашке лиеш. Тидлан кӧра пеш тӱткӧ лийман. Олтымо тургым тӱҥалме деч ончыч компаний шке велымже шокшым ситарыше объект- влакын пашаштым да могайрак улмышытым тӱткынрак эскераш тӱҥалын.