«Марий шыже» сымыктыш фестиваль тӱҥалеш

             Йошкар-Олаште «Марий шыже» сымыктыш фестиваль вуча. Тудо 29-ше октябрьыште тӱҥалеш да 27-ше ноябрь марте шуйна. Мероприятий Яков Эшпай лӱмеш Марий Кугыжаныш филармонийын у полатыштыже эртаралтеш. Тылзе наре жапыште ончышо- влакым Марий Элын сулло артистше Дмитрий Волков, тӱнямбал да российысе конкурслан лауреатышт Елизавета Мельниченко да Анастасия Ермолаева, Палантай лӱмеш колледжын Калыкле сымыктыш гимназийжын йоча образцовый кӱслезе- влак ансамбльже, композитор, театр да кинон актёржо, мурызо Максим Павлов да филармонийын чапланыше коллектив- шамыч дене вашлиймаш- влак вучат. Ынде филармонийыш пурымо годым, билет деч посна куар кодым ончыктыман.