Дмитрий Чернышенко ден Игорь Комаров Юл кундем округысо регион- влакым социал-экономик велым вияҥдыме прорывной проект- влакым ойырен налыныт
Дмитрий Чернышенко ден Игорь Комаров Юл кундем округысо регион- влакым социал-экономик велым вияҥдыме прорывной проект- влакым ойырен налыныт. Марий Элым вуйлатыше Александр Евстифеев Россий Правительство вуйлатышын алмаштышыже Дмитрий Чернышенко ден полномочный представитель Игорь Комаровын эртарыме совещанийыштышт лийын. Марий Эл, Мордовий, Чувашийым, Ульяновск ден Киров областьлам вуйлатыше- влак илышым вашталтен кертше проектышлан ончылгоч аралымашым эртареныт. Нине проектым кураторство институт кышкарыште шыҥдараш палемдыме. Игорь Комаровын мутшо почеш вич регионыштыжат тӱҥ паша обрабатыватлыше производство дене кылдалтын. Тыгак ужалкалыме да кусараш лийдыме пого дене пашам ыштымаш ончылно улыт. Марий Эл ден Мордовийыште эше ял озанлык тӱҥ верым айла. Нине кундемыште ЖКХ да паша рынкыштат проблеме- влак икгайрак улыт. Марий Эл ден Чувашийлан индивидуал программым уже ямдылыме. Мордовийыштат ямдылалтеш. Чыла вич кундемжыланат федерал рӱдер деч полыш кӱлеш,- иктешлен Игорь Комаров.
Марий Элым вуйлатыше вашталтышым ыштен кертше проект- влак нерген ойлымо годым палемден: фронтальный стратегийын цельже: республикым вияҥше идустриально-аграрный, шкалан шке ситарыше регионыш савырымаш. Тиде- продукцийым утларак лукмаш, калыкын парышыжым кугемдымаш, пашадымылыкым иземдымаш да бюджетдыме инвестицийым кугемдымаш. Нине целыш индивидуал программе полшымыо дене шуаш палемдыме.
Фронтальный стратегий почеш калыкын йодмыж негызеш шым прорывной проектым ямдылыме. Икымшыже туризмым, транспорт да инженер инфраструктурым, тазалыкаралтыш объект- влакым вияҥдымаш дене кылдалтын. Кокымшыжо- ял озанлык. Кумшыжо кӱкшӧ технологиян производствым вияҥдымаш. Нылымше- Юл эҥерыште этнотуризмым вияҥдымаш, визымше- яллашке газым пуртымаш, кудымшо- калыклан илаш лӱдыкшыдымӧ да йӧнан верым ыштымаш, экологийым саемдымаш. Шымше проектше калыклан пуымо медицина полышын качествыжым саемдымаш. Индивидуал программым 2030-шо ий марте шуйымаш республикылан сай полыш лиеш,- каласен Александр Евстифеев. Совещаний почеш Российын вице-премьерже субъектлам вуйлатыше- влаклан ямдылыме проектлан паспортыштым возен пытараш да замечаний почеш тӧрлымашым пурташ кӱштен.
Марий Элым вуйлатыше вашталтышым ыштен кертше проект- влак нерген ойлымо годым палемден: фронтальный стратегийын цельже: республикым вияҥше идустриально-аграрный, шкалан шке ситарыше регионыш савырымаш. Тиде- продукцийым утларак лукмаш, калыкын парышыжым кугемдымаш, пашадымылыкым иземдымаш да бюджетдыме инвестицийым кугемдымаш. Нине целыш индивидуал программе полшымыо дене шуаш палемдыме.
Фронтальный стратегий почеш калыкын йодмыж негызеш шым прорывной проектым ямдылыме. Икымшыже туризмым, транспорт да инженер инфраструктурым, тазалыкаралтыш объект- влакым вияҥдымаш дене кылдалтын. Кокымшыжо- ял озанлык. Кумшыжо кӱкшӧ технологиян производствым вияҥдымаш. Нылымше- Юл эҥерыште этнотуризмым вияҥдымаш, визымше- яллашке газым пуртымаш, кудымшо- калыклан илаш лӱдыкшыдымӧ да йӧнан верым ыштымаш, экологийым саемдымаш. Шымше проектше калыклан пуымо медицина полышын качествыжым саемдымаш. Индивидуал программым 2030-шо ий марте шуйымаш республикылан сай полыш лиеш,- каласен Александр Евстифеев. Совещаний почеш Российын вице-премьерже субъектлам вуйлатыше- влаклан ямдылыме проектлан паспортыштым возен пытараш да замечаний почеш тӧрлымашым пурташ кӱштен.