«Российын лидерже- влак» конкурсын финал таҥасымашыштыже Марий Эл гыч 6 еҥ моштымашыжым ончыкта

                  Юл кундем округ гыч 354 еҥ «Российын лидерже- влак» конкурсын финал таҥасымашлашкыже ушнен. Угарман олаште конкурсын «Кугыжаныш виктарымаш» да «Бизнес ден промышленность» трек- влакын регионласе финалышт тӱҥалын. Финалыш мемнан округ гыч 354 еҥ лектын. Нуным 11 тӱжем еҥ кокла гыч ойырен налме. Финалист радамыш Марий Эл гыч 6 еҥ лектын. Нунын кокла гыч нылытше «Бизнес ден промышленность» трекыште участвоватла. Тиде- Арбан гыч амалкалче Олег Кадькало, Йошкар-Оласе «Флагман» обществе гыч Алексей Малов, Волжский электромеханический завод гыч Альберт Насыбуллин да Йошкар-Оласе «МариЗерноПродукт» ушем гыч Роман Шишкин. «Кугыжаныш виктарымаш» трекыште – кок еҥ. Финанс министерстве гыч Валерий Григорьев ден Йошкар-Ола гыч посна амалкалче Иван Поспехов.