Петырымаште шинчыше-влак саскам консервироватлат
Республикысе 7-ше номеран колоний-поселенийыште свежа ковышта гыч консервироватлыме борщым ыштат. Лӱмын почмо цехыште судитлыме еҥ- влак кок смене дене тыршат. Кугыжаныш контракт почеш нуно кум тӱжемат 334 кум литран банкым ямдылышаш улыт. Тушечын 25 тонн утла борщым ямдылаш лиеш. Цехым тений шошым почмо. Опытан технологын вуйлатымыж почеш, петырымаште улшо- влакын бригадышт шоганым, ковыштам, йошкар ушменым, кешырым консервироватлаш тунемын. Тымарте тушто 13 тӱжем кум литран банкым ямдыленыт.
Эн кугу контарктышт мариноватлыме киярлан лийын. Тудым 15 тонным ыштеныт. Кызыт кум тӱжем утла банке борщым ыштат. Тиде заправке огыл, а чынжымак борщ маныт. Тушко йошкарушмен, кешыр, шоган, ковышта, пареҥге, томат пасте, кушкыл ӱй да специй- влак пурат. Поварлан тиде концентратым бульоныш пышташ да шолаш пурташ гына кодеш. Ик банке гыч шым литрат пеле ямде шӱр лектеш. Петырыме банке- влакым кок арня тергымаште кучат, вара республикысе исправительный тӧнежлашке колтат. Борщым мучашлымек, цехыште щи ден рассольникым ышташ тӱҥалыт. Тиддеч посна пошкудо область гыч тӧнеж- влак 36 тонн шуктымо ковыштам ямдылаш йодыныт.
Эн кугу контарктышт мариноватлыме киярлан лийын. Тудым 15 тонным ыштеныт. Кызыт кум тӱжем утла банке борщым ыштат. Тиде заправке огыл, а чынжымак борщ маныт. Тушко йошкарушмен, кешыр, шоган, ковышта, пареҥге, томат пасте, кушкыл ӱй да специй- влак пурат. Поварлан тиде концентратым бульоныш пышташ да шолаш пурташ гына кодеш. Ик банке гыч шым литрат пеле ямде шӱр лектеш. Петырыме банке- влакым кок арня тергымаште кучат, вара республикысе исправительный тӧнежлашке колтат. Борщым мучашлымек, цехыште щи ден рассольникым ышташ тӱҥалыт. Тиддеч посна пошкудо область гыч тӧнеж- влак 36 тонн шуктымо ковыштам ямдылаш йодыныт.