Коронавирус ваштареш профилактике прививке шотышто планым пелыже утлалан темыме

                   Республикыште коронавирус ваштареш профилактике прививке шотышто планым пелыже утлалан темыме. Эртыше шуматкечылан шотлымаште 218 тӱжем утла еҥ прививкым ыштыктен. Тидыже 52 наре процент лиеш. А тӱшка иммунитетым ышташлан республикыште 80 процент кугыеҥ вакцинанцийым эртышаш. Тидыже 421 тӱжем утла еҥ лиеш. Иммунизацийын тичмаш курсшым 202 тӱжем еҥ эртен. Прививкым эртыше- влак кокла гыч 63 тӱжем еҥже 60 ияш деч кугурак- влак улыт. Марий Элыште эпидемиологий ситуацийым Роспотребнадзор виктем эре терген шога.