Марий Элым вуйлатыше Россий ФСИН-ын регионысо у вуйлатышыже дене вашлийын
Марий Элым вуйлатыше Россий ФСИН-ын регионысо у вуйлатышыже дене вашлийын. Александр Евстифеев Игорь Третьяковым должностьыш пеҥгыдемдыме дене саламлен, профессионал пашаште сеҥымаш- влакым тыланен да шуко ий тыршыме опытшо тудын ӱмбаке пыштыме обязанность- влакым сайын шукташ полша манын ӱшаным каласен. Вашлиймашыште нуно Республикын Правительствыже да наказанийым шуктымо федерал службо виктем коклаште вашкылым каҥашеныт. Мутлан, Республикым вуйлатыше коронавирус инфекций ваштареш пырля кучедалмаште да ведомствын, исправительный тӧнежлан сотрудникыштлан вакцинацийым ыштыме пӱсын шогышо йодышым палемден. Виктемым вуйлатыше шке велымже республикым вуйлатышылан тауштен да марий кунлемын ончыкылыкшо верч пашам ышташ ямде улам манын. Ушештарена: Игорь Третьяков уголовно- исполнительный системе органлаште 1994-ше ий годсек пашам ышта. Самара областьысе тиде системын тӱрлӧ подразделенийлажым вуйлатен. Тиде должностьым налмешке, 2018-ше ий гыч Самара областьысе УФСИн начальникын алмаштышыже лийын.