Ынде ковид дечат, грипп дечат вакциным иканаштак ышташ лиеш
Российын тазалыкаралтыш министерствыже Ковид дечат грипп дечат вакциным иканаштак ышташ лиеш манын каласен. Ондак нунын коклаште ик тылзе эртышаш манын ойлат ыле. Преператым кап-кылын тӱрлӧ ужашышкыже шындат. Мутлан, иктыжым шола вачыш, весыжым- пурла вачыш. Тидын шотышто вашталтышым «Гам-Ковид-Вак» («СпутникВи») вакцинын инструкцийышкыже пуртымо. Тиде йӧным тазалыкаралтышын Тӱнямбал организацийжат сайлан шотлен. Тидымат ешарыме: Новосибирскысе «Вектор» шанче рӱдерыште грипп да коронавирус ваштареш ик вакциным ыштыме шотышто паша тӱҥалын.