«Йоча жапым пӧртылташ» округ кӱкшытан фестивальым иктешлыме

                Йоча пӧрт- влаклан полышым пуымо шотышто «Йоча жапым пӧртылташ» округ кӱкшытан фестивальым иктешлыме. Тудым торжественно мучашлымаш да сеҥыше- влакын «Йоча жапын шӱдыржӧ- влак» гала- концертше Башкортостаныште эртен. Полномочный представительын лӱмжӧ дене тулык йоча да ача-аван полышышт деч посна кодшо ӱдыр-рвезе- влакым полпредын алмаштышыже Олег Машковцев саламлен. Торжественный мероприятийыште Спартакиадыште, мини футтбол, волейбол, шашке, ӱстембал теннис дене сеҥыше- влакым саламленыт. Ӱстембал теннис дене рвезе- влак коклаште модмаште эн усталан Марий Эл гыч Денис Эшплатовым шотлымо. Тыгак «Ума палата» модмаште, мурымаш, куштымаш, моторын лудмаш да оригинальный жанрыште, кид-паша мастарлык дене  сеҥыше- влак палемдалтыныт. Чыланат дипломым, пӧлекым, шергакан призым налыныт.