Юлтехын студентше- влак дистанций гыч тунеммашке куснат

               Юлтехын студентше- влак 30-шо октябрь гыч 7-ше ноябрь марте дистанций гыч тунеммашке куснат. Шинчымашым налмаш электрон тунеммаш да дистанций гыч тунемме технолгийым кучылтын самостоятельный паша семын эрта. Тидын шотышто приказым 22-шо октябрьыштак пеҥгыдемдыме. Студент- влаклан заданийым, контрольный паша ден тестым пуат. Тиде арня утла жапыште нуным ыштен шуктышаш улыт. Лекций ден практике дистанций формат дене огыт лий. Тиддеч посна заочно да очно-заочно тунемше- влакын календарь графикышкышт вашталтыш пурталтеш. Тиде жапыште нуно аттестацийым эрташ тӱҥалыт.
                 Фото:ПГТУ.