Республикысе чодыраште тул лӱдыкшо тургым мучашлалтын
Республикысе чодыраште тул лӱдыкшо тургым мучашлалтын. Тидын нерген пӱртӱс поянлык министерстве увертарен. Игечын йӱкшемдымыже, йӱр йӱрмӧ да чодыраште тул пиждымылан кӧра, 23-шо октябрь гыч тенийсе тул пижын кертме лӱдыкшӧ тургымым мучашлыме. Тений кундемысе чодыраште 103 гана тул пижын. Тудо чылаже куд тӱжемат 239 гектар кожлалан эҥгекым ыштен. Чодыра фонд мландыште 91 пожар лийын да 6 тӱжемат 230 гектарым авалтен, Поснак оролымо кумдыклаште –«Марий Чодыра» ден «Кугу Какшан» парк ден заповедникыште шым пожар шым утла гектарым йӱлалтен, Оборона министерствын мландыштыже вич пожар кок гектар кумдыкыш шарлен. 47 пожарже волгенчылан кӧра пижын- куд тӱжемат 145 тӱжем гектар йӱлен, 56 гана тул пижмын амалже айдемын титакшылан кӧра лийын да 94 гектар чодыралан эҥгекым ыштен. Тулым йортымӧ жап нерген ойлаш гын, икымше суткаште 89 процент пожарым йӧртымӧ, - увертара пӱртӱс поянлык министерстве.