Марий Эл гыч ечызе телымсе олимпиадыште таҥасен кертеш
Марий Эл гыч ечызе 2022-шо ийысе олимпиадын кандидат- участницыже- влак спискыш пурен. 25 ияш Екатерина Смирнова шушаш телым Пекиныште лийшаш 24-ше телымсе Олимпий модмашке ямдылалташ Российын олимпий сборный командышкыже спортсмен кандидат- влак радамышт пурталтын. Спискым Российын Олимпий комитетше савыктен. 598 атлет коклаште Медведево районышто шочшо Екатерина Смирноват уло. Тудо кок кундемын лӱмжӧ дене таҥаса- Марий Эл ден Тюмень областьын. Пекиныште Олимпий модмаш 4-ше гыч 21-ше февраль марте эртышаш.
