Республикыштына калык перепись умбакыже шуйна

               Республикыштына калык перепись умбакыже шуйна. Тудын икымше лу кечыже шеҥгелан кодын. Тӱҥалтыш иктешлымаш- влакым Марий Эл Правительство председательын икымше алмаштышыже Михаил Васютинын вуйлатыме республикысе перепись комиссийын еҥже- влак ыштеныт. Маристат вуйлатышын сомылжым шуктышо Инна Петрован мутшо почеш 237 тӱжем еҥ дене мутланыме. Тидыже 35 наре процент лиеш. Но районлаште цифр- влак чот ойыртемалт шогат. Эн кугу лектышым Параньга районышто ончыктымо. Тушто 75 процент калык шотлымашым эртен. Марий Турек районыштат уда огыл- 60 процент, У Торъялыште- 58, Килемарыште- 57. Начаррак пашам Куженер район ден Йошкар-Олаште палемдыме- 23 да 25 процент калык гына возалтын. Туге гынат, эн мучашыште Медведево район верланен: улыжат 16 процент. Проблемыже, мутат уке, ятыр. Поснак утларак ямде улмо режим дене кылдалтыныт. Йошкар-Олаште переписчик- влакын вашталтмышт кугу, ПЦР тестым эртыме да тӧнжлашке пашам ышташ пурымо йодыш- влак чаракым ыштат. Михаил Васютин тидлан тыге вашештен: преписчик- влаклан нимогай чаракым ыштышаш огытыл. Переписной участке- влакым йӧнан верыште, вахте деке лишкырак ыштыман, кычал коштман ынже лий. Но эн йӧнанже Кугыжаныш Полышын единый порталыштыже переписьым эртымаш. Лекше йодышым жапыштыже виктарен колтыман,- каласен Михаил Васютин.
           Владимир Марышевын фотожо.