Марий Эл гыч куштызо- влак тӱнямбал фестивальыште ныл призовой верым налыныт

             Марий Эл гыч куштызо- влак тӱнямбал фестивальыште ныл призовой верым налыныт. Калининград олаште луымшо гана «Балтий легенде» Тӱнямбал фестиваль-конкурс эртен. Мемнан- влак кок икымше да кок кумшо верым сеҥен налыныт. Марий Эл гыч тушко кум коллектив миен. Йошкар-Оласе Андре Мольро лӱмеш 26-шо гимназий гыч «Дебют» бальный куштымашын образцовый ансамбльже, «Лира» сымыктыш школыш «Узоры» йоча образцовый куштышо да мурышо ансамбльже да Куяр тӱвыра рӱдерын «Кумушки» фольклор ансамбльже сеҥымашым конденыт.
              "Йошкар-Ола" газетын фотожо.