Марий йоча- влаклан мурым кӧ эн сайын воза?

              Йоча- влаклан мурым возышо автор- влак коклаште эртыше «Пӧлеклем йочалан мурым» конкурсышто сеҥыше- влакым саламленыт. Жюрилан аклаш республикысе 7 район гыч 9 авторын 16 йоча мурыштым луктыныт. Участник- влакым Усталык ушем- влакын пӧртыштышт саламленыт. Наградым Российысе композитор- влак ушемын еҥже, Россий сымыктышын сулло деятельже Валерий Кульшетов кучыктен. Тудо шӱдӧ утла йоча мурым возышо Вячеслав Осиповын усталыкшым палемден. Вячеслав кумшо верым Емешево тӱвыра пӧрт гыч Любовь Антропова дене пайлен. Кокымшо верым Моркысо йоча садын музыкальный вуйлатышыже Елена Григорьева ден Руэм школын туныктышыжо Лариса Павлова налыныт. Онлайн-конкурсын сеҥышыжлан Оршанке велысе Кугунур школышто семым туныктышо Елена Рыбаковам шотлымо.