Петров урем у семын волгалтеш

           Йошкар-Оласе Петров уремыште асфальтым шарыме да транспорт чарныме павильон- влакым вераҥдыме. Интернационалист воин- влак урем деч Шернур тракт марте уремын ужашыже палынак вашталтын. Ончычсо кок полосан шолдыргышо корно да кумылым волтышо тротуар- влак ынде мондалтыт. Кызыт ныл полосан, у асфальтан магистраль да мотор разметке- влак шинчам куандарат. Тротуар- влакым олмыктымо, шке машинам шогалтыме верлам ыштыме. Корно тӱрыштӧ светильник- влак верланеныт, тротуарын корныш ушнымо верлаште тактильный плиткам оптымо. Тиддеч посна Петров уремыште самырык пушеҥгым шындыме.- увертара олан мэрийже.
           Ола администрацийын фотожо.