Марий Эл деч сенатор Константин Косачёв республике гыч самырык герой- влаклан наградым кучыктен
Федераций Советым вуйлатышын алмаштышыже, Марий Эл деч сенатор Константин Косачёв республике гыч самырык герой- влаклан наградым кучыктен. Таче тудо Правительство пӧртыштӧ Федераций Советын «Ончктымо патырлыклан» шарнымашан медальжым самырык еҥ- влакын оҥышкышт пижыктен. Волжск олаште 9-ше майыште чодыра йӱлаш тӱҥалын. Тунемше Вячеслав Акимов йолташыже- влак дене тудым ужыныт да службыш увертарен шке йӧрташ тӱҥалыныт. Тидак кугу туллан шарлаш эрыкым пуэн огыл. Вес медальым Йошкар-Оласе Пушкин лӱмеш 4-ше гимназийын 9-ше классыштыже тунемше Александр Егоров налын. Тудо июльышто Йошкар-Оласе Кечывалвел пляжыште вӱдыш пурен кайыше кок ӱдырым утарен.