Палемдыме калыкын 52 процентше коронавирус деч прививкым ыштыктен
Республикыштына коронавирус деч 52 процент еҥ вакцинироватлалтын. Таче кечылан Марий Элыш чылаже 326 тӱжем утла комплект вакциным кондымо. Прививкым кок компонентан «ГамКовидВак» да «ЭпивакКорона» вакциныла дене ыштыкташ лиеш. Ик компонентан «Спутник Лайт» вакцине утларакше ревакцинаций да коронавирус инфекций дене черланен лекше- влалкан келшен толеш. Республикыштына чылаже 229 тӱжемат 988 еҥ вакцинацийым эртен. Нунын кокла гыч 211 тӱжемат 655 еҥже тичмаш курсым эртен. Вакцинацийлан палемдыме еҥ- влак кокла гыч 52 процентше прививкым ыштыктен. Тудым поликлиникылаште да мобильный пунктлаште шындыкташ лиеш. Тыгак кум вакцинирований рӱдер пашам ышта. Тиде: Сеҥымашын кумлымшо идалыкше лӱмеш тӱвыра полатыште, Быт Пӧрт ваштареш Сбербанк пӧлкаште да Зелен ужалаклыме рӱдерыште.