Марий Эл гыч боксёр Кавказыште эртыше Россий кӱкшытан турнирыште сеҥышыш лектын
![Марий Эл гыч боксёр Кавказыште эртыше Россий кӱкшытан турнирыште сеҥышыш лектын](/upload/iblock/4c0/0n56otf7qxm8yzwteqg9lrmfc0qg7k7b.jpg)
Марий Эл гыч боксёр Кавказыште эртыше Россий кӱкшытан турнирыште сеҥышыш лектын. Кабардино- Балкарийысе Терскол ялыште «Чегет» пансионат негызеш калык поэт Салих Гуртуевым шарныме лӱмеш самырык- влак коклаште Россий кӱкшытан турнир эртен. Марий Эл гыч Провой велысе Кужмарий бокс школын самырык спортсменже- влак миеныт. Чылаже элысе 17 регион да Азербайджан, Кечывалвел Осетий да Абхазий гыч 10-16 ияш 300 рвезе вийжым терген. Кужмарийысе «Патыр» спорт клуб гыч тренер Андрей Николаевын туныктымо 14 ияш Матвей Кузьмин Краснодар гыч рвезе дене кредалын да сеҥышыш лектын. Тыге Звенигово районысо спортсмен- влакын чондайышкышт «шӧртньым» ешарен.
Фото: МариМедиа.
Фото: МариМедиа.