Таче Марий Эл Кугыжаныш Погынын 21-ше сессийже пашам ыштен
Таче Марий Эл Кугыжаныш Погынын 21-ше сессийже пашам ыштен. Тудын повесткышкыже 7 йодышым пуртымо ыле. Депутат- влак 37-ше суд участкын мировой судьяжым пеҥгыдемденыт, республикын 2021-ше да ончыкылык 2022-2023-шо ийлан бюджетышкыже, посна категорий еҥ- влаклан социал полышым пуымо нерген законыш, Кугыжаныш Погынын социал вияҥмаш да производственный комплексым вияҥдыме шотышто комитетлажын составышкыже вашталтышым пуртеныт. Тиддеч посна самырык- влак политике шотышто федерал законым пеҥгыдемдыме дене «Марий Элыште самырык- влак политике нерген» у законым ончен лектыныт. Депутат- влак тыгак республикысе туныктыш министр должностьыш Лариса Ревуцкаян кандидатурыжым сайлан шотленыт. Ушештарена: тудын кандидатурыжым ончаш Республикым вуйлатыше Александр Евстифеев темлен ыле. Тымарте Лариса Анатольевна Йошкар-Ола администрацийым вуйлатышын алмаштышыже да туныктыш виктемым вуйлатышылан ыштен. Сандене тиде острасльым пала. Шке пашаштыже тудо верысе специалист- влаклан эҥерташ тӱҥалам манын каласен. Тудын верч шке йӱкшым 30 еҥ пуэн, 13 еҥ тореш лийын.