29 октябрь- комсомолын шочмо кечыже
Таче комсомолын шочмо кечыже. ВЛКСМ-лан 103 ий темеш. Комсомолын кечыже 1918-ше ийын 29-ше октябрьыште шочын. Тунам молодёжын Пӱтынь Ушемысе Ленинский Коммунист ушемжым ыштыме. Тиде кечын Москошто пашаче да кресаньык самырык тукымын Россий кӱкшытан ушемыштын икымше погынышт эртен. Тушто самырык- влакын ик ушемыштым ышташ темлыме. Тиде кече РКСМ-ын шочмо кечыже лийын. 1918-ше ий гыч кажне ийын 29-ше октябрьыште СССР мучко комсомолын кечыжым палемдаш тӱҥалме. Вара ушемын лӱмжӧ вашталт толын. Ленин колымеке 1924-ше ийыште Ленинский шомак ешаралтын, 26-шо ийыште СССР-ысе самырык- влакын ушнымыштым шотыш налын Российский олмеш Всесоюзный лийын. Вара 1991-ше ийын шаланымешкыже ВЛКСМ лӱм дене илен. Тений организацийлан 103 ий темеш. А Марий областной комсомол организацийым ыштымылан 100 ийым тений 16-шо майыште палемдыме.
