Ола урем эше волгыдырак лиеш

                «Россети Центр и Приволжье Мариэнерго» Йошкар-Оласе уремлам волгалтарыме системым умбакыже уэмда. Тиде организаций ден Йошкар-Ола администраций уремлам волгалтарыме сетьым уэмдаш ойпидышым кылденыт. Энергетик- влак тошто лампе- влакым у светодиодан энергеийым аныклыше светльник дене вашталтат. Тений нуно Советский, Машиностроитель- влак уремлаште да Вараксин кӱварыште кокшӱдӧ утла лампым вашталтеныт. Кызыт кумшӱдӧ наре лампым Йыван Кырла, Суворов, Йошкар Армий, Дружба да Зарубин уремлаште вераҥдат. Тиде пашам 12 еҥ да ныл технике шуктат. Тений индеш тылзе жапыште специалист- влак чыла 14 районыштат тӱжем утла светодиодан светильникым вераҥденыт. Нине лампе- влак ончычсо дене таҥастарымаште 50 процент наре электроэнергийым аныклаш полшат.
                Фото: "ВНД" газет.