Сардаял школын тунемшыже- влак кумшо чырыкым у школышто тӱҥалыт
Сардаял школын тунемшыже- влак кумшо чырыкым у школышто тӱҥалыт. Тунемме тӧнежын зданийжым декабрьыште чоҥен шукташ палемдыме. Вара класслашке у мебельым, спорт да компьютер оборудованийым кондат. Республикым вуйлатыше Александр Евстифеев Марий Турек районыш паша дене мийымыж годым Татарстан дене чекыште верланыше ик эн тора да изирак марий ялыште- Сардаялыште школым чоҥымо пашан кузе кайымыжым ончен. Подряд организацийым вуйлатыше палемден: чоҥымо пашан пелыже утлам ыштыме: пырдыжым нӧлтымӧ, тӱжвал вӱд пучым пыштыме. Кызыт леведыш да отделке паша, инженер коммуникаций шукталтеш, окнам шындат, воктелсе кундемым тӱзландарат, тӱжвалне волгыдым ыштат.
Директор Полина Сорокинан мутшо почеш, кызыт 34 йоча тунемеш, школ деч ончычсо группыш 19 икшыве коштеш. Школышто 11 туныктышо пашам ышта. Тунемшыжат, туныктышыжат чытен-чытыде у школым вучат. Республикым вуйлатыше палемден: школышто туныктымаш олаште гына огыл, изи яллаштат вияҥ толшаш. Школ илышым вораҥдараш полша, адакшым тыште магистральный газ уло. Тидыже илышын йӧршеш вес кӱкшытшӧ. Пашам ышташ ончыкылык шочеш, йоча- влак сай шинчымашым налшаш улыт. Республикым вуйлатыше районышто пӱсын шогышо йодыш семын, посёлкыла кокласе корным олмыктымашым палемден. Калыкле проект- влак, индивидуал программе аралалт кодыт гын, чыла корно норматив марте шукталтеш, тиде ялат вияҥаш тӱҥалеш.
Марий Элым вуйлатыше тыгак Кугу Карлыган ялыш миен. Тушто ик эн кугу ийготан школ капитально олмыкталтеш. Школышто тӱрлӧ калыкын икшывышт тунемыт. 64 йоча марий йылмым, 56 икшыве одо йылмым тунемеш. Паша график деч изиш вараш кодеш. Олмыктымо пашам шуяш огыл манын, глава шуктышаш чыла паша шотыштат планым ямдылаш кӱштен. Тыгак воктел кундемым тӱзландараш тӱҥалаш кӱлеш манын.
Директор Полина Сорокинан мутшо почеш, кызыт 34 йоча тунемеш, школ деч ончычсо группыш 19 икшыве коштеш. Школышто 11 туныктышо пашам ышта. Тунемшыжат, туныктышыжат чытен-чытыде у школым вучат. Республикым вуйлатыше палемден: школышто туныктымаш олаште гына огыл, изи яллаштат вияҥ толшаш. Школ илышым вораҥдараш полша, адакшым тыште магистральный газ уло. Тидыже илышын йӧршеш вес кӱкшытшӧ. Пашам ышташ ончыкылык шочеш, йоча- влак сай шинчымашым налшаш улыт. Республикым вуйлатыше районышто пӱсын шогышо йодыш семын, посёлкыла кокласе корным олмыктымашым палемден. Калыкле проект- влак, индивидуал программе аралалт кодыт гын, чыла корно норматив марте шукталтеш, тиде ялат вияҥаш тӱҥалеш.
Марий Элым вуйлатыше тыгак Кугу Карлыган ялыш миен. Тушто ик эн кугу ийготан школ капитально олмыкталтеш. Школышто тӱрлӧ калыкын икшывышт тунемыт. 64 йоча марий йылмым, 56 икшыве одо йылмым тунемеш. Паша график деч изиш вараш кодеш. Олмыктымо пашам шуяш огыл манын, глава шуктышаш чыла паша шотыштат планым ямдылаш кӱштен. Тыгак воктел кундемым тӱзландараш тӱҥалаш кӱлеш манын.