Кызытеш республикысе кучем локдауным пурташ тореш улеш
Республикыштына ужалкалыме рӱдерла ден полышым пуышо сферым жаплан петырыме нерген решенийым арнян лектышыже почеш луктыт. Тидыже тӧнежлан озаштын ответственностьышт деч шогаш тӱҥалеш. Республикыште кызытат чарымаш- влак улыт, но эпидемиологий ситуаций неле кодеш. Кызытеш республикысе кучем локдауным пурташ тореш улеш, но тыгай лийын кертеш манеш. Теҥгече Республикым вуйлатыше Александр Евстифеев лӱмеш кундемысе тӱҥ санитар врач Светлана Булатова деч предписаний пурен. Тушто Росптребнадзор виктемым вуйлатыше рестораным, кафе ден барым, ужалкалыме да каныме рӱдерлам, кевытлам да быт полышым пуышо организаций- влакым петыраш темла. Локдауным пуртымо але пуртыдымо нерген решенийым Республикым вуйлатыше Александр Евстифеевын специальный совещанийыштыже каҥашыме. Тиде арнян лектышыже почеш иктешлыше решений лиеш. Тӧнежлашке куар код дене пуртымаш, маскым чиен коштмаш, социал дистанцийым эскерымаш черланымашым шагалемдымашке кондышаш.
Погынымаште тыгак кызытсе сӱретын могайрак улмыжо, кислородын, койко фондын ситымыже, амбулаторно эмлымаш йодышым каҥашеныт. Тазалыкаралтыш министрын уверже почеш госпитализаций шагалемеш гынат кӱкшытшо кугуак кодеш. Кодшо арнян 198 еҥ дене эмлаш пыштыме гын, кызыт кокла шот дене 176-ыш шуэш. Яра койко фонд 15 процент гына погына, норматив почеш 20 процент лийшаш. Йоча- влакат шуко черланаш тӱҥалыныт. Йоча республиканский эмлыме верын ковид пӧлкаштыже 100 процент койкым айлыме. Республикым вуйлатышын кислородлан ешартыш оксам ойырымыжлан кӧра, кислород ситыдымаш ок палдырне. Бизнес тиде тыглай калыкын илышыже, пашаже да пашадарже. Тушто республикысе калык тырша. Сандене петырыме йодышым пеш тӱткын шымлыман, - каласен Александр Евстифеев. Чыла мерым кӱлеш семын шуктен шогыман,- палемдыме погынымаште.
Погынымаште тыгак кызытсе сӱретын могайрак улмыжо, кислородын, койко фондын ситымыже, амбулаторно эмлымаш йодышым каҥашеныт. Тазалыкаралтыш министрын уверже почеш госпитализаций шагалемеш гынат кӱкшытшо кугуак кодеш. Кодшо арнян 198 еҥ дене эмлаш пыштыме гын, кызыт кокла шот дене 176-ыш шуэш. Яра койко фонд 15 процент гына погына, норматив почеш 20 процент лийшаш. Йоча- влакат шуко черланаш тӱҥалыныт. Йоча республиканский эмлыме верын ковид пӧлкаштыже 100 процент койкым айлыме. Республикым вуйлатышын кислородлан ешартыш оксам ойырымыжлан кӧра, кислород ситыдымаш ок палдырне. Бизнес тиде тыглай калыкын илышыже, пашаже да пашадарже. Тушто республикысе калык тырша. Сандене петырыме йодышым пеш тӱткын шымлыман, - каласен Александр Евстифеев. Чыла мерым кӱлеш семын шуктен шогыман,- палемдыме погынымаште.