Марий Элысе калыклан У ий открыткын авторжо лияш темленыт

              Марий Элысе калыклан У ий открыткын авторжо лияш темленыт. «Сеҥымашын ёлкыжым сӱретле» тӱнямбал конкурсын участникше- влак у ий открыткын авторжо лийын кертыт. Тыгай таҥасымашым Сеҥымаш Тоштер, Российын Почтыжо да Оксана Фёдорован поро кумыл фондшо тӱҥалыныт. Куд ий деч кугурак- влаклан 1945-ше сеҥымаш идалыкым вашлияш ямдылалтме нерген шонкален сӱретлаш темленыт. Сӱрет- влак тудо жапысе кумылым почын ончыктышаш улыт. Паша- влакым 28-ше ноябрь марте Сеҥымаш Тоштерын сайтышкыже вераҥдыман. Сеҥыше- влакым ийгот шот дене вич номинацийыште аклаш тӱҥалыт: 6-8, 9-11, 12-14, 15-17 да 18 деч кугурак ийготан- влак коклаште. Сеҥыше- влакын лӱмышт 10-шо декабрьыште рашемеш.