Марий Эл гыч куштызо- влак тӱнямбал фестивальыште икымше верым сеҥен налыныт

                 Марий Эл гыч куштызо- влак «Инклюзив данс» тӱнямбал фестивальыште икымше верым сеҥен налыныт. Тений тӱнямбалсе ик эн кугу фестивальыште ныл эл да Российысе 42 кундем гыч 130 коллектив шке мастарлыкшым ончыктен. Мероприятий Москошто кодшо кечылаште эртен. Элысе коло кундем гыч 46 коллективын начар тазалыкан 411 куштызо да нунын дене куштышо волонтёр- влак погыненыт. Мемнан республикын чапшым Анна Соколован вуйлатыше бальный куштымашын «Дебют» образцовый ансамбльже дене «Инвалид- влак ушемын» Наталья Богомолован вуйлатыме республикысе пӧлкажын пырля ямдылыме «Куштымашыште илыш» социал да инклюзивный проектышт арален. Конкурсант- влакын мастарлыкыштым 12 эл гыч тӱнямбал жюри аклен. Марий Элын командыже икымше верым да Инклюзив Дансын Кугу кубокшым сеҥен налын.
                 "Йошкар-Ола" газетын фотожо.