Марий поэтесса Зоя Дудина родо-тукым калык- влакын сылнымут премийыштым налын

                   Марий поэтесса Зоя Дудина «Юмынӱдыр огеш пу вашмутым» почеламут сборникшылан родо-тукым калык- влакын сылнымут премийыштым налын, - увертара «Кидшер сайт.  Тиде савыктыш поэзий произведений- влак радамыште эн сай семын аклалтын. Автор книгашке пытартыш ийласе пашаже- влакым пуртен. Тудо элнан, калыкын пӱрымашыже, тӱнямбалсе пуламыр, чон тургыжланымаш нерген шонкала. Жюрин мутшо почеш, Зоя Михайловна марий фольклорым, тӱвырам, ӱшанымашым чаплын пала. Почеламутысо образ- влак ойыртемалтше да келге, поэзий йылмыже мотор да поян улыт. Тидымат палемдыме: йочалан сылнымут коклаште эн сайлан карел авторын азбука книгажым, проза произведений коклаште коми авторын ойлымаш сборникшым шотлымо. Сылнымут премий 2007-ше ий годсек пуалтеш. Премий фондын кугытшо- кок тӱжемат 500 евро.
                    Фото: Николай Любимов/Кидшер