Уралысе марий- влак областьысе автономийыш ушненыт

             Уралысе марий- влак областьысе автономийыш ушненыт. Октябрьын пытартыш кечынже «Свердлов областьысе марий- влакын регионысо калыкле- тӱвыра автономийышт» мер ушемым ыштыме. Тудо изи чотан финн-угор калыкын тӱвыражым арален кодаш манын чумыралтын. А тӱҥалтышым Свердлов областьын туныктыш министрже, марий еҥ Юрий Биктуганов ыштен. Тиде ушемыш ныл автономий: Екатеринбург олан, Ачит, Арти да Красноуфим районлан автономийышт ушнен. 2010-шо ийысе переписьын ончыктымыж почеш. Свердлов областьыште 24 тӱжем марий илен. Уралын рӱдӧ олаштыже гына куд тӱжем утла марий лийын. Тиде у организацийым Наталья Ябекова вуйлата. Мер ушемым ыштымаш инициативе дене Свердлов областьын правительствышкыже лекташ йӧным пуа. Екатеринбургысо марий – влак кызытеш тоштерым ышташ шонат. Тудым шке деныже почаш Урал лесотехнический институт темлен.
              Фото: МарийУвер.