Коронавирус дене кучедалме шотышто мерым пеҥгыдыракым ыштыме

                  Теҥгечысе кече гыч Республикым вуйлатыше коронавирус дене кучедалме шотышто мерым пеҥгыдыракым ыштен. 60 ияш да кугурак ийготан, пашам ыштыдыме, вакцинироватлалтдыме але пытартыш пелийыште черланыдыме, пашам ыштыдыме, хронический черан- влаклан самоизоляций режимым пуртымо. Тиддеч посна театр, кинотеатр, концерт заллашке 70 процент огыл, а 50 процент калыкым гына пурташ лиеш. Тыгак чыле вереат куар кодым кучылташ темлыме. Указ кум арня наре вийыште лиеш, ситуаций сай могырыш вашталтеш гын, чарымаш шагалемеш. Саеммаш ок шижалт гын, чарымаш вигак 5-ше февраль марте шуялтеш. Вакцинаций умбакыже шуйна. Икымше компонент дене 264 тӱжем утла еҥ прививкым ыштыктен, кокымшо компонент дене 231 тӱжем. Вакцинаций планым 63 процентлан шуктымо. Йотэл еҥ- влак ныл тӱжем наре еҥ вакцинроватлалтын. Республикым вуйлатыше палемден: Сеҥымашын 30-шо идалыкше лӱмеш тӱвыра полатыште вакцинаций рӱдер тичмаш куатын пашам ышта. Сандене теҥгече кас марте Самырык- влакын полатыштат тыгай рӱдерым почаш кӱштен. Тудо чынжымак теҥгече пашам ышташ тӱҥалын. Тудым Зелень ужалкалыме рӱдер гыч кусарыме да  9 гыч 17 шагатат 30 минут марте пашам ышта. Теҥгечысе кече гыч тыгак вакцинаций  нерген сертификатын у формыжым кучылташ тӱҥалме.