Краснооктябрьский посёлкышто у врач амбулаторийым чоҥат

                   Краснооктябрьский посёлкышто у врач амбулаторийым чоҥат. Тудым шушаш ийын нӧлташ тӱҥалыт. Смете почеш акше 46 миллион утла теҥге лиеш. Тазалыкаралтыш министерствын умылтарымыж почеш Краснооктябрьскысе амбулаторий посёлкысо калыкым гына огыл, Изи, Кыдал да Кугу Шапыште илыше- влакымат онча. Чылаже ныл тӱжемат 600 утла еҥ погына. Нунын кокла гыч 800-жӧ йоча- влак улыт. Кызытсе зданийым 1959-ше ийыште чоҥымо, ту годсек капитально олмыктымо огыл, лач кок гана косметик ремонтым гына ыштыме. 467 квадрат метр кумдыкан у пӧртым чоҥымаш чапле медицина полышым пуаш йӧным ыштышаш. Министерстве тидымат ушештара: модернизаций программе кышкарыште тазалыкаралтышын шым объектшым 859 миллион теҥгелан чоҥаш палемдыме. Тиде-кум врач амбулаторий, кок ФАП, Юриныште поликлинике да Йошкар-Олаште йоча поликлинике. Тений ик ФАП-ым чоҥымо- Волжский районысо Учимсолаште. Вич ий жапыште программым шыҥдараш кок миллиард утла теҥге оксам кучылташ палемдыме.