Тазалыкаралтыш министр журналист- влак дене вашлийын

                 Тазалыкаралтыш министр Марина Панькова республикысе журналист- влаклан интервьюм пуэн. Тудо палемден: коронавирус дене ситуаций неле кодеш. Лач эмлыме верыш пыштымаш кодшо арнян 0,3 процентлан шагалемын. Ик суткаште кокла шот дене 106 еҥым эмлаш пыштат, 11 инфекций стационар пашам ышта. Йоча- влак шукырак черланаш тӱҥалыныт. Эсогыл 1-3 тылзаш аза- влакат улыт. Утларакше 60 деч кугурак ийготан еҥ- влак черланат, Черланыше 30 ияш марте самырык- влакат 10-15 процентыш погынат. Тыгай ийготан 30 процент самырык гына вакцинацийым эртен. Марина Панькова тидымат палемден: теҥгечысе кече гыч «Кугыжаныш полыш» порталыште вакциным эртыше да черланен лекше- влалкан у форман сертификатым пуаш тӱҥалыныт. Тудын дене пырля тошто сертификатшат икымше март марте вийыште лийыт. Кагаз сертификатым яллаште да тора верлаште илыше- влаклан гына пуаш тӱҥалыт. А молыжо чыланат электрон сертификат дене пайдаланышаш улыт.