Марий Эл гыч кум турмаршрут Россий кӱкшытан конкурсышто ӱчашаш тӱҥалеш
Марий Эл гыч кум турмаршрут турист премий верч Россий кӱкшытан конкурсышто ӱчашаш тӱҥалеш. 24-ше гыч 26-шо ноябрь марте Пермь олаште «Талукын маршрутшо- 2021» Россий конкурсын финалже эрта. Тушко Марий Эл гыч кум проект ушнен. Нуно кум номинацийыште кучедалаш тӱҥалыт. Тиде- «Эн сай кӱртньӧ корно круиз» номинацийыште- ВкусноЙошка!, «Оласе эн сай маршрут» номинацийыште- «Тошто театрын шинчалан койшыжо» проект да «Эн сай этнографий маршрут» номинацийыште- «Юл кундемыште ойыртемалтше каныш кече- влак. Вкусно едем! ВкусноЙошка!» проект. Российысе 40 кундем гыч чылаже 198 проект участвоватла.